Positiwiteit behels die handhawing van ʼn optimistiese uitkyk op die lewe.
Dit betekenom vrolik en hoopvol te wees, selfs wanneer jy voor uitdagings te staan kom. Positiewe mense soek die goeie in elke situasie en is dankbaar vir wat hulle het. Hulle sien die glas as half vol, in plaas van half leeg. Tog bly die uitdaging: hoe neem ʼn mens hierdie positiewe denkwyse aan?
Prof. Xander Smith aan die Universiteit van Texas vertel dat, “positiewe gedagtes
genereer positiewe gevoelens en dit lok positiewe lewenservaringe uit.” Die pad na
positiewe gedagtes vereis die manifestering van positiwiteit in jou lewe. In
eenvoudige terme beteken dit om iets uit jou gewenste werklikheid ʼn realiteit te
maak deur te fokus op die positiewe uitkoms wat jy wil bereik en jou gedagtes en
optredes daardeur te laat lei. Gebruik positiewe woorde om jouself en jou lewe te
beskryf. Dink aan al jou goeie karaktertrekke en fisiese eienskappe. Hou ʼn sessie
met jouself en herhaal hierdie mantra: “My lewe is kommervry, my probleme is nie
onoorkombaar nie, ek is ʼn baie gelukkige persoon. Ek het selfvertroue en bly getrou
aan myself.” Jy kan nie ʼn positiewe lewe leef met ʼn negatiewe denkwyse nie. Hoe jy
praat, is hoe jou lewe sal wees.
Volgens www.PositiveLiving.com is een van die beste maniere om meer positief te
leef deur jou stres te verminder. Wanneer ʼn mens stres eindig dit altyd in negatiewe
denke. “Ek het nie genoeg tyd vir hierdie nie. Ek gaan nooit my huiswerk klaarmaak
nie.” Dit is ʼn vasgestelde en gevreesde siklus wat almal ervaar, maar daar is ʼn
maklike oplossing. Hier is stres hanteer jou beste geweer. Vind maniere om stres te
verminder deur vinniger werk klaar te maak, beter tydsbestuur, meer tyd met familie
en vriende te spandeer of selfs deur om te mediteer. Wat dit ook al is wat jou laat
rustig en vreedsaam laat voel. Doen dit meer! Dit is beslis ʼn manier om jou te help
om ʼn positiewe lewe te lei.
ʼn Laaste manier hoe jy meer positief kan leef is om net in die oomblik te leef. Wat
ook al jy wil doen, doen dit nou, daar is net soveel môres. Geniet elke dag asof dit
jou laaste kan wees. Vier die lewe! Volg jou drome, maak nie saak hoe groot hulle is
nie - as jy nie bang is vir jou drome nie, is hulle nie groot genoeg nie. Voluit leef is
positief leef en dit is iets wat ons almal kan doen as ons dit net ʼn probeerslag gee.